منتديات المحبة التعليمية والترفيهية


 
الرئيسيةالبوابة*مكتبة الصورالمجموعاتس .و .جالتسجيلدخول

شاطر | 
 

 رحت للسفاره الكنديه - انا والحراميه -

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
sabs
Admin
Admin


ذكر عدد المساهمات : 3040
السٌّمعَة : 1
تاريخ التسجيل : 24/04/2009

15122011
مُساهمةرحت للسفاره الكنديه - انا والحراميه -

وصلتني رسالة من شخص اعرفه وفيها شعر شعبي بالهجة العراقية عن معاناة الاقليات في العراق
ارجوا ان تنال رضاكم

فد يوم صبحيه
براس الفرع لاكتني دوريه

قسم لابسين ملابس مدنيه
ثلاثه لو اربعه انضباطيه
واحد لابس منقط او حاطله بيريه صاح بيه
تعال لك شوفلي الهويه

انطيته كل اوراقي
كتله هاي بطاقتي الشخصيه
هاي الاحوال المدنيه
هاي البطاقه التموينيه
هاي الورقه استلم بيهه الطحين شهريه
هاي شهادتي المدرسيه
خريج كليه قسم السلام للانسانيه
او هاي شهادتي الجنسيه
تاكد ان ابوي عراقي وامي عراقيه

كال لعد ليش مكتوب بخانة القوميه آثوريه
مبين انته مزور الجنسيه

كتله لا عمي هاي الاصليه
اذا ما تصدك اتصل بالمديريه
همّه يكلولك اذا مزوره لو حقيقيه

كام فتش بجيوبي وباك الخرجيه
و لكه شوية صور شخصيه
كال منو ذوله اكيد فراريه

كتله لا خالي هاذه ابن عمي استشهد بالجبهه الشرقيه
وهاذه اخوي استشهد بالقادسيه
وهاذه صديقي استشهد من اجل الامه العربيه

كال ذوله الثلاثه منو؟ مبين عليهم افنديه

كتله هاذه يوسف وهاذه يوخنا
وهاذه يوبرت ترك زوجه كلهه طيبه و حنيه
و طفلين بعدهم بالديديه
ذوله هم شهداء بس ذوله استشهدوا من اجل قضيه
ذوله احفاد اغا بطرس
امتدادهم من سمّيل وصوريه

كال كافي اني ما اعرف ها الش[/b]غلات التاريخيه
بس الاعرفه انتو الآثوريه
كلكم جواسيس للامبرياليه
انتو اصلا مو عراقيه

كتله لعد اشور وسنحاريب وحمورابي منين
من صين الشعبيه؟
او سومر وبابل واكد ونينوى منو بناها
شركه يابانيه؟

تعال فهم هيج متخلف العقليه
حسيت بعد ما اكدر اعيش ويه الحراميه
شكّيت كل اوراقي و رحت للسفاره الكنديه

_________________________________________________
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

رحت للسفاره الكنديه - انا والحراميه - :: تعاليق

لا يوجد حالياً أي تعليق
 

رحت للسفاره الكنديه - انا والحراميه -

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات المحبة التعليمية والترفيهية :: حول العالم و اخر مناسباتكم :: حول العالم-
انتقل الى: